Your smile is our smile

May mga bagay na hindi natin inaasahan sa buhay

Minsan magigising ka na masaya

Minsan malungkot ka

Minsan magigising ka na lumuluha.

May mga bagay na nawawala na lang ng biglaan

Tao man 'yan o bagay

dahil walang kasiguraduhan dito sa mundo.

Sabi nga nila kapag may umaalis,

may bagong darating.

Pero masakit kapag may biglaang umalis, 'diba?

ibinigay mo lahat ng atensyon mo,pinahalagahan at

natutunan mo nang mahalin siya pero iiwan ka rin pala niya.

Magigising ka na lang na isang araw,

Hindi mo na masisilayan bawat ngiti niya tuwing umaga

Hindi mo na maririnig mga halakhak at tawa niya

Hindi mo na mahahawakan mga kamay niya at hindi mo na siya mahahagkan pa,

Kasi iniwan ka na niya.

Iniwan ka niyang mag-isa

Iniwan ka niyang may mga luha sa iyong mga mata.

Alam mo ba?

Noong nawala ka lahat kami nagdusa

Lahat kami nakaranas ng sakit

Lahat kami nagulatantang kasi kabata mo pa

Kabata mong nilisan ang mundo

kabata mong nawala at hindi hindi nakita ang totoong mundo

Kabata mong kinuha ng Diyos.

Walong buwan ka pa lang noon pero alam namin na masaya ka na diyan dahil kasama mo na ang Pinakadakila sa lahat. Alam namin na isa ka nang anghel at binabantayan mo kami palagi.

Pero sabi nga "Kapag may umalis, may bagong darating"

Nawala ka dumating siya

Halos may pagkakahawig kayo

mula sa shape ng mukha niyo hanggang sa boses niyo

Biglang nabuhay muli ang mga ngiti sa mga labi namin noong masilayan ka mas lalo kaming naging matatag dahil sa'yo.

Isang ngiti mo lang pawi lahat ng pagod

Isang ngiti mo lang pawi lahat ng hirap

Tunay nga na nagbibigay buhay sa bahay ang mga bata.